ثورة شعب
"ثورة شعب"
قوم يامكابر صارح شعبك
قول بصراحة أن ضيعتك
قوم من نومك بص كمان
ابن النيل أصبح إنسان
هب يدافع عن أحلامه
نفسه ياروحي يعيش أيامه
قوم واحكي عن يوسف والي
فين ضيع خير نيلنا الغالي
جاب شتلات من بني صهيون
يقتل بيها يبجي كام مليون
قال بيطور بيها الزرع
ده كلام فاضي وزي القرع
من سرطان ماسمعناش عنه
وفشل كلوي وأكتر منه
ليه تزعل ياابني انت وهيَ
ماهي أمه أصلها يهودية
مش عيب منه بشكل أكيد
كل العيب من الله جابه يبيد
ده وزير واحد من دستة
لسة كتير جايين لسة
واحد تاني اسمه ابن عبيد
ليل ونهار سكران عربيد
جاي مخصوص لقطاع العام
عايز مصنع طب تدفع كاك
وعشان كده ضحو بجنزور
لما رفض يلبس طرطور
ده مصير كل شريف وعفيف
واحمد رشدي شاهد تعريف
لنا حلف يمحي الفاسدين
ضحو بفكره في غامضة عين
دي منظومة عسلها فساد
بص وشوف وكفاية عناد
صفوة دول من غير تزييف
واحد عامل نفسه شريف
كان قوّاد في الزمن الغابر
ده تاريخنا حتى اسأل عامر
قوم يامكابر صلي الفجر
واسمع مرة لصوتنا الحر
بيقولك ماتسبنا نعيش
مش عايزينك روح ماتجي
قوم ياشبابنا وشد في حيلك
قبل مابيننا يروح من غيرك
قوم غيّر من غير تخريب
واوعى تشّمت فينا حبيب
ليجيبلك أجناد فرعون
يقتل فينا من غير هون
ثورة نور تهدي ولادنا
يملى النور كل بلادنا
قوم ياشبابنا نادي بالصدق
قول اسلامنا هو الحق
وامسك حبل الله من تاني
أوعى تصدق يوم علماني
ياخدك مرة لحكم خسيس
وألا لحكم الست باريس
زجل..أحمدسعيد الأربعاء ٢٦-١-٢٠١١
تعليقات
إرسال تعليق